Taka lakuna jerasaun iha Timor-Leste: Oinsá mak programa kriativu bele kontribui. (Connecting between generations in Timor-Leste: how creative programs might contribute).

Abstract

Povu Timor-Leste hasoru dezafiu polítiku, ekonómiku, sosiál no kulturál durante tinan atus ba atus, maibé liu-liu durante dékada tolu okupasaun Indonesia ne'ebé violentu, no transformasaun ikus ne'e ba nasaun independente. Timor-oan nia jerasaun foun sai boot iha tempu ne'ebé diferente loos husi sira-nia inan-aman no avó. Sira boot iha demokrasia ho sirkunstánsia di'ak liu no bainhira iha mudansa boot ho ligasaun ba mundu li'ur. Iha potensiál boot atu kompriende-sala no hetan dezligasaun entre ema husi esperiénsia moris diferente, no iha posibilidade atu fratura relasaun sosiál no sosiedade jerál.

Artigu ida-ne'e hato'o revee literatura kona-ba programa ne'ebé dezenvolve atu hadi'ak komunikasaun no kompriensaun entre ema husi jerasaun diferente. Artigu ne'e mós introdús pratika entre-jerasaun no dokumenta programa entre-jerasaun ne'ebé hala'o iha Timor-Leste nia li'ur, hamutuk mós ho rezultadu ne'ebé programa sira-ne'e kontribui no prosesu saida mak kauza mudansa ne'e. Autór tau foku partikulár ba programa ne'ebé uza arte partisipativu no kriatividade atu aumenta ligasaun pozitivu entre juventude no sira-nia avó. Posibilidade ne'ebé programa hanesan ne'e oferese povu Timor-Leste bainhira iha transformasaun sosiál no kulturál lalais mak ezamina. Posibilidade sira-ne'e inklui konsiderasaun ba oinsá mak programa sira-ne'e bele kria abordagem iguál no inklusivu, oinsá mak sira bele haforsa ligasaun família no komunidade, no oinsá mak bele suporta transferénsia koñesimentu no aprendizajen foun.